Hriselnan kawlthei hnah a tha

Hriselnan kawlthei hnah a tha
Kawlthei hi thei mantlawm pawl tak a ni nain, thatna a ngah hle a, a hnah thlengin thatna a nei zel a, a hnahah pawh hian antioxidant, anti-inflammatory compound bakah nutrient a pai hnem hle. Flavonoids ang chi quercetin a pai hnem a, antimicrobial properties a nei bawk. Guava leaf tea te an ti a, vun hriselna leh mit hriselna atan a tha bawk. Tun tumah hian Times of India-in kawlthei hnah thatna ni a an sawi te kan rawn tarlang e.
Kawlthei hnahah hian biocative chemical compound chi hrang hrang a tam a, hei bakah hian secondary metabolites an tih mai- flavonoids, triterpenoids, sesquiterpenes, glycosides, alkaloids, saponins leh phenolic compound te pawh a nei bawk. Heng compound te hi natna benvawn chi hrang hrang- zunthlum, cancer, pum lam fel lo, neurodegenerative leh lung lam natna atan immune stimulator leh modulator pawimawh an nih avangin heng natna benvawn tan pawh hian thatna a nei tel bawk.
Hei bakah hian National Library of Medicine-in kawlthei hnahin damdawi pangngai hnathawh a tibuai thei em tih zirna an neih atanga an hmuh danin food-drug interaction-ah pawh kawlthei hnah hi a him niin an tarlang. Zunthlun nei mai thei dinhmun a ding tawh, borderline diabetic ten chaw ei khamah blood sugar sang vak tur ven nan kawlthei hnah hi an hmang tangkai hle niin an tarlang bawk. Kawlthei hnahah hian carbohydrate leh dietary polyphenols a awm a, chu chu digestive enzymes-ah betin, dietary sugar emaw lipids emaw sang tur a veng thei.
Engtin nge kawlthei hnah chu kan siam ang?
Kawlthei hnah 4-5 vel silfai la, tui no hnih chhuang so la, chutah chuan kawlthei hnah chu telh rawh. Mei tihniamin minute 10-12 vel sawi tir berh berh tur a ni. Chumi hnuah suan la, chhin phui la, minute 5 vel hnuah a tui chu thli chhuak la, thingpui anga in tawh mai tur a ni. I duh leh a tih tui deuh nan khawizu tlem emaw sertui tlem emaw i telh thei bawk ang. A dai duak aiin, a lum laia in a awlsam zawk ang.
Vitamin A a pai tam:
Dr. Sahaj Joshi – BHMS- 3rd Generation Homeopath chuan kawlthei hnahah hian vitamin A a tam niin a sawi a, chu chu mit tana chaw tha tak a ni. Kawlthei hnah a vitamin A awm chu vun hriselna atan a that bakah immune function tichaktu a ni a, cell development tichaktu a ni bawk.
Antioxidant a pai tam:
Dr Joshi chuan kawlthei hnah a flavonoids leh tannins te chu mit naute (ratina) tan a tha niin a sawi bawk.
Mit tan a thatna dang:
Mit ro (dryness) tur a veng a, kum a lo upat tak deuh avanga khaw hmuh phe (blurry vision) tur a veng thei bawk.
Ayurvedic lamah:
Hma khawsang atang tawhin kawlthei hnah hi luhai, mit hah leh tha khur enkawl nan an lo hmang tawh thin. Ayurveda-ah chuan kawlthei hnah hi blood sugar level siam that nan a tangkai hle a, insulin sensitivity a tithat theih bakah sugar absorption a tihhniam theih avangin zunthlum tan pawh tha hle.