Teak zairutu Assam mi man

Mamit district Sihthiang-a Forest department rama teak zai rutu mi 7 chu man an ni a. Police kutah hlan an ni.
Kawrthah Divisional Forest Officer Karthikeyan V, IFS chuan Sihthiang rama Forest department humhalh hmunah teak puitling zairu an awm tih hria in, a staff-te nen August 13 khan an enfiah turin an kal a. A hmun an thlen hian teak zairutute inkhuarna hmun hi hmu in, chain saw hmangin teak an zai mek tih an finfiah bawk a, team thumah inthenin an hual a, teak zairutu mi 6 an man a ni. An vai hian Assam lam mi an ni a, anmahni chhawrtu nia sawi pawh Sihthiangah manin an 7 hian Zamuang Forest Range Office-ah hruai an ni a, police kutah hlan zui an ni.