Taylor Swift ‘Life of a Showgirl’ Oct.3-ah

Taylor Swift ‘Life of a Showgirl’ Oct.3-ah
Taylor Swift chuan a album thar tur ‘The Life of a Showgirl’ chungchanga social media lamah a rawn chhawp chhuak thut mai a, tunah chuan a studio album 12-na tur hi October ni 3-ah a tlangzarh dawn tih a puang leh ta.
Swift hian Instagram-ah a album thar tlangzarh hun tur hi puangin, a album title track-ah hian Eras Tour a neih laia a show opener atana a hman tawh thin Sabrina Carpenter nen an zai dun nghe nghe. Producer credit a pek te chu Max Martin leh Shellback te an ni a, anni pahnih hi a album hlawhtling tak tak pahnih ‘1989’ leh ‘Reputation’ a lo thawhpui tawhte bawk kha an ni.
Swift hian a album cover art pawh a tichhuak nghal a, a track list pawh a dah chhuak a, hla 12 awmna album-ah hian “The Fate of Ophelia,” “Elizabeth Taylor,” “Opalite,” “Father Figure,” leh “Cancelled!” tih hlate pawh a awm e.
‘Life of a Showgirl’ hi edition chi hrang hrang preorder a tih theih tawh a, “Sweat and Vanilla Perfume” edition, “It’s Frightening” edition, “It’s Rapturous” edition leh “It’s Beautiful” edition te awmin, heng edition hrang hrang hian artwork leh photo card bakah jewelery box hrang theuh an nei.