Technology lama hmasawnna nasa ber AI
Microsoft co-founder Bill Gates chuan artificial intelligence (AI) tuhhmasawn zel chu kum tam tak chhunga technology lama hma-sawnna pawimawh ber tiin a sawi.
AI chu microprocessor, personal computer, internet leh mobile phone te tluka pawimawh tiin a sawi a.
“Mihring te hnathawh dan, zirna, zin, hriselna leh inbiakpawhna te a thlak danglam vek ang” tiin a sawi.
Chatbot ChatGPT te ang tena technology hmanrua an hman chungchang a ziah thu a sawi bawk a. ChatGPT hi OpenAI te siam niin AI chatbot online hmanga zawhna chhang thei tura duan a ni.
OpenAI buaipuitu te hian January 2023 khan Microsoft atangin multibillion dollar investment an hmu a, Bill Gates chu advisor angin a awm zui nghe nghe a.
Mahse ChatGPT chu AI-powered chatbot awm chhun a ni lo va, tun hnai lawkah Google te chuan Bard tih an tlangzarh ve bawk.
Gates chuan chatbot ChatGPT kum 2016 atanga buaipui tawh tu OpenAI team te nena inbiakna an neih thu a sawi a.
Gates chuan kum 2022 khan OpenAI team te chu Advanced Placement (AP) Biology exam paltlang thei AI siam tura a cho thu sawiin a hnu reilite ah perfect score hmu tluk deuh thaw in mark 50 ah mark 49 hmu a an siam thu a sawi a.
He mi hnu hian Gates chuan AI te chu pa in a fa damlo a chhan leh enkawl dan tur ziak turin a ti zui leh a. “Chhanna tha em em mai, mi tam tak tena kan tluk hauh lo tur khawpa tha in chhanna a pe thei a ni” a ti bawk a.
“Chutah chiah chuan graphical user interface (GUI) hnua technology lama hmasawnna pawimawh ber ka hmu ta tih ka hria a ni” tiin a sawi.
GUI hi visual display – mirhign tena thlalak leh icons te, text leh command type kher lova hmuha hriat theih leh inzawmna nei theia siamna a ni a.
GUI lama hmasanwna avangin Windows leh Mac OS operating system te chu kum 1980 chhovah siamchhuahin a awm theih phah a, tun tlenga computing lama thil paiwmawh em em la ni zui zel a ni.
Gates chuan GUI ang bawkin AI tech chuan hmasawnna sang tak min thlen ang tiin a sawi bawk.
AI hmalam hun
Bill & Melinda Gates Foundation co-chair Gates chuan sorkar hrang hrang te chu AI hlau lo va chetla tura tiin AI chuan nunna tam tak a chhanhim thei zawk dawn a ti bawk a.
“AI lama hmasawnna chuan ram rethei zawkaha bik takin nunna chan nasatna lamah danglamna a thlen thei” tiin a sawi bawk a.
“Heng ram retheia chengte hian doctor an hmu pha lo va, Ais hmangin health workers te chuan hna tha zawkin an thawk thei ang” a ti bawk.
Chuta entirna a pek zingah chuan tihmakmawh thenkhat insurance claims, paperworks leh note lak ang te chu AI in a ti thei vek a ti bawk a.
“Market forces chuan natural takin AI product leh service a siam chhuak mai dawn lo” tia sawiin, “Funding tha leh pawimawh bakah policy tha kalpui chuan sorkar leh philantrophy te chuan AIs te chu intluktlanlohna siam danglamtu ah a hmang thei a ni” tiin a sawi bawk a.
“Khawvelin mi bright ber ber aneih te kan haratna lian ber ber chingel tura a tur angin, khawvela AIs ha ber ber te chu kan harsatna sukiang turin kan tur thei a ni” tiin a sawi bawk.