ZPM-in sawrkar an hruai buai nuai hi awm ka tihpui – Dr R Lalthangliana

ZPM-in sawrkar an hruai
buai nuai hi awm ka tihpui
– Dr R Lalthangliana
ZPM sawrkarin ram hruai har an ti leh an hruai buai nuai mai hichu awm a tihpui hle tih MNF hruaitu Dr R Lalthangliana chuan a sawi.
Dampa bial MNF candidate Dr R Lalthangliana hian Inrinni khan West Phailengah MUP, VC leh MNF party hruaitute a kawm a. ZPM sawrkarin ram hruai har an ti leh an hruai buai nuai mai hi awm a tihpui thu hi sawiin, “Tawnhriat la nei mang lo deuh vekin ram an hruai a, a ngaihna an hre lo hi a awm viau. Pathian leh mipui zarah Dampa bialah hian ka tling a nih chuan sawrkar khalhnghil kawngah tangkaina nei ve turah ka inngai,” a ti. Dampa bial hmasawnna tur pawhin thawh thei nei ve turah pawh a inngai tih a sawi bawk.
Dampa biala by election neih a nih chhan chu kum engemaw chen politics-a a awm tawh chhunga a suangtuah ngai loh thil a ni tih a sawi a. Dampa bialtu MLA Pu Lalrintluanga Sailo-in a lo thawh tawh leh thawh mek chhunzawm tur tam tak a awm, tiin, chumi chhunzawm thei tur chuan an vote hlu tak pe turin Dampa bial mipui khawngaihna a dil tih a sawi a ni.