North East Zone Shooting Championship: Hmarchhaka silai kap thiam ber Mizoram!

September 8-13, 2025 chhung khan Mizoram Rifle Association chuan 12th North East Zone Shooting Championship 2025 thlengin, India hmarchhak state paruk – Arunachal Pradesh, Assam, Manipur, Meghalaya, Nagaland leh a thlengtu Mizoram bakah Army leh Army Masked Man Unit atangin Silai kap thiam mi 257 zet an lo kal.
He silai inkahsiaknaah hian Mizoram chuan gold medal 25, silver medal 21 leh bronze Mmedal 21 bawk lain a pumpuia thiam ber overall champion an ni.
Pahnihna Meghalaya chuan glod medal 24, silver medal 22 leh bronze medal 15 an h ui ve bawk.
September ni 13, 2025, Inrinni tlai lam dar 6-a tan 12th North east Zone Shooting Championship kharna hun hmanpuitu Mizoram chief minister Lalduhoma chuan fuihna thu a sawi a, kum 2036-ah chuan India hmarchhak state-a silai kap thiamte’n Olympic medal an awrh lai hmuh ngei a inbeisei thu sawiin, taimakna leh rinawmna, chhelna nena tan la sauh sauh turin a chah nghal.
He hun hmanpuitu National Rifle Association of India president Kalikesh Narayan Sing Deo pawhin hmarchhak state-a silai kapthiam rualte atanga beiseina a neihsan thu sawiin, hma an sawn zel theihna’n theihtawp chhuah zel a tum thu a sawi bawk.