Muaythai State Championship 2025 A hmawr bawk ni

Muaythai State Championship 2025
A hmawr bawk ni
Mizoram State Sports Council 21st Muaythai State Championship 2025 chu MIZBA, Boxing Hall, Ramhlun Sports Complex-ah nimin, September ni 18, Nilaini khan khelh tan a ni a, Muaythai Association of Mizoram founder president K. Hrangzuala chuan he hun hlu tak hi hawnna hun a nei.
K. Hrangzuala chuan, kum 2004, August ni 2-ah he pawl hi din a nih thu leh India ram aiawha fehchhuak pawh eng emaw zat an awm tawh thu leh medal thahnem tak chu’ng mite chuan an rawn hawn tawh thu a sawi.
Hawnna hun tawite hi tuna Muaythai Association of Mizoram president, India ram aiawh hiala lo fehchhuak tawh Johny Ngurthansanga (founder secretary) chuan kaihruaiin, India player hlui tho Liansangpuii Renthei chuan hunserh hmangin, nimin tlai dar 5 pelh thleng khan player eng emaw zatin khelin, vawiin lamah hian inelna hi an chhunzawm ang.
Vawiin chawhnu dar 2 hian kharna hun hman a ni dawn a, Mizoram State Sports Council lam atangin H. Laldinsanga chuan khuallian tur niin he hun hi a hmanpui ang. Tarlan tawh angin, infiammi 94 zet he inelnaah hian an inlan a ni.
Nakkum hian Muaythai Association of Mizoram chuan India hmarchhak inelna a thleng dawn a, tun tum intihsiaknaa chethate hi Mizoram aiawhin an khel ang.