Aizawl bypass road laitute Tlawng tinu lo turin hriattir

Aizawl bypass road laitute
Tlawng tinu lo turin hriattir
Aizawl bypass road (western side) sial mek laitute chu an leivung paih Tlawng luia a luh thin avangin paih tawh lo tura hriattir an ni.
hnuaia Aizawl bypass road laitu, contractor RG Buildwell Engineers Limited hian an kawng sialna hi Tlawng luia lut thla a pawhtu luite ah an hnawl thla tam a, danin a phut angin leivung dah khawmna tur – muck disposal site mumal tak siam turin project implementation unit (PIU) Mizoram PWD chuan a lo hriattir tawh a ni.
Hei hi zawm a hlawh tawk lo nia hria in PIU project director -cum- authority engineer chuan September 23 khan contractor hnenah hian hriattirna pe in, Riverine Reserve Forest huamchhunga awm Tlawng lui ti nu thei tura leivung paih tawh lo turin a ti a. Tun hnu zelah pawh RRF huamchina leivung vanga harsatna thlen thei ti tawh lo turin a hriattir bawk.
Environment humhalhtu pawl Centre for Environment & Social Justice (CESJ) chuan, he kawng laih tum hi laih tan a nih hma atangin environment bawhchhiat theihna awm thei lakah a himna turin hma an la nghal a. Chuti chung chuan dan bawhchhiatna tam tak a awm tih an sawi a. Forest clearance nei loa hna thawh a nih avang leh kawng sialna leivung hnawl thlak chuan Aizawl khawpui tui tlan, Tlawng lui tui pump theih loh khawpa a tihnut thin avanga titawp (stay) turin ngenna an thehlut tih an sawi.
Ngenna an thehluh hi Environment Forest & CC department chuan bawhzui bawk mah se, environment humhalhna dan awmsa venghimtu turte hmalakna atan chuan a beitham hle tih an lo sawi tawh a ni.