Jail-a awm thei aia tam awm 600 vel a ni reng

Jail-a awm thei aia tam
awm 600 vel a ni reng
Mizorama jail hrang hranga tang awm thei zat ruat sa baka tang awm hi nitin mi 600 vel anga ngaih a ni.
Prison department-in a chhinchhiahnaah Mizoram-a jail 11 awmah mi 1496 an tan theih laiin, mi 600 chuang velin awm theih zat hi an pel reng a. Kumin October 17-a report danin, Mizorama jail 11 awmah tang 1915 awmin, mipa 1674 leh hmeichhia 225 an ni a, hmeichhia in an luhpui naupang 16 an awm.
2025 October 17 thleng hian mipa leh hmeichhe awmna turah tang awm thei zat tura ruat sa aia an tamna hi 696 a ni a. Tang awm theihna zat aia tam awm thinna hi Central Jail, Central Women Jail, District Jail Aizawl, District Jail Lunglei leh District Jail Champhai a ni deuh reng bawk.
Tuna Central Jail hi mi 480 tan theihna tura ruahman niin, tunah 913 an awm a, tang thei zat ruahman aia an tamna hi 433 a ni. A hranpaa Central Women Jail ruahmanah tang 96 awm theihna tura duan a nih laiin tunah 149 an awm a, 53-in awm thei zat aiin an tam. Aizawl District Jail-ah tang 90 awm thei tura duan a nih laiin 165 an awm.
Lunglei District Jail chu mi 109 lenna tura duan a nih laiin tunah 145 an awm a; mi 105 lenna tura duan Champhai District Jail-ah pawh 204 an tang mek a, tang thei zat aia tam awm hi mi 99 an ni.
Hetih rual hian, record hi October 17 a ni a, nitin jail lut leh chhuak hi a dan reng avangin, tun – October 21 ah chuan a figure hi dang leh tura ngaih a ni a, chutihlaiin tun thla hnih kalta vel chhung chhutin jail ho zinga tang thei zat tura ruahman aia tang mek an tamna hi 600 atanga 700 inkar vel a ni deuh reng thung.