Aizawla State University dinna tur minister-in a en

Aizawla State University
dinna tur minister-in a en
Higher & Technical Education minister Dr Vanlalthlana chuan Mizoram State University (MzSU) dinna tur hmun thenkhat chu Nilaini khan a enkual.
Mizoram State University hi college awmsate hmang tangkaiin clustered university kalphunga din tum a ni a. National Education Policy 2020 duh dan angin State University hi multidisciplinary-a kal a ngaih avangin college engemawzat chu sawikhawm (cluster) tum niin, resource neihsa inhmantawm theih chu inhmantawm tura ruahman a ni.
Minister chuan MzSU cluster awmna tur hmun – Directorate of Geology and Mining Luangmual (MzSU administrative building leh building dang awmna tur), Govt. Aizawl West College campus Luangmual (School of Social Sciences awmna tur), Govt Aizawl College building Sikulpuikawn (administrative building sak laia luah lailawk tur), Govt Aizawl College campus, Salem Veng Mualpui (School of Humanities & Education), Govt Hrangbana College Muthi (School of Economics & Management) leh, Govt. Zirtiri Residential Science College campus Durtlang (School of Sciences) a tlawh a. A hmuna department hotute leh college zirtirtuten an lo dawngsawng.
Heng bakah hian Mizoram Engineering College, Pukpui Lungleiah School of Engineering & Technology a awm dawn a ni.