Katy Perry leh Justin Trudeau relationship a ‘official’ ta

Katy Perry leh Justin Trudeau relationship a ‘official’ ta
Thla hnih khat kalta atang khan Katy Perry, kum 41, leh Canada Prime Minister hlui Justin Trudeau, kum 53, te inkarah ri deuh ret ret a awm niin sapram media ten an lo tarlang tawh a, tunah chuan an inthup ta lem lo a, a vawi khat nan ualau takin mipui hmuh turin an inzui chhuak ta.
July thla khan Katy Perry concert-ah Justin hi a tel a, heta tang hian an inkar hi an sawizawm ta deuh a. October ni 25 kan a vawi khat nan couple angin an chhuak dun ta zan zan e.
Perry leh Trudeau te hian Katy Perry pian champha an lawm dun a, Crazy Horse Paris-ah tu mitmei mah veng lem loin an tei chhuak dun a, inkai deuh rial chungin theater an chhuahsan nghe nghe a ni.
Katy Perry hi July thla tir lam khan Orlando Bloom nen an inthen a, an pahnih hian kum kua dawn ‘ni’ ‘ni lo,’ ‘ni leh tawh’ tih velin an kual ve deuh reng a, fanu Daisy Dove an nei nghe nghe, Trudeau pawh hi August 2023 khan a nupui Sopie Gregoire Trudeau nen an inthen a, fa pathum an nei hman.