Jeff Bezos-a nupui hluiin $80mtd a thawh

Jeff Bezos-a nupui hluiin $80mtd a thawh
Jeff Bezos a nupui hlui, MacKenzie Scott chuan Howard University-in an duh leh tha an tih anga an hman turin dollar maktaduai 80 a donate a, he scool hian an din atanga kum 158 chunga tum khata donation an dawn tam ber a la ni. Te Wall Street Journal-in a tarlan danin Mackenzie Scott hlutna hi dollar tluklehdingawn 35.6 a ni a, ani hi mi thilphal, midang te tana luang chhuak nasa tak a ni.
MacKenzie Scott hausakna hi Jeff Bezos nena an inthennaa a sum chhuah pui a ni a, an inthen hlimchhawnah phei chuan khawvela hmeichhe hausa ber a ni pha hial a ni. Tuna Howard University-a donation a pek hi a hmanna tura ruahman bik pawh a nei chuang lo a, tul leh tha an tih ang anga an hman atan a pe tawp mai a ni.
University lam chuan maktaduai 80 atanga dollar maktaduai 17 chu an College of Medicine support nana hman a nih tur thu an puang nghal a, dollar maktaduai 63 chu oward University general operation atan dah a ni thung.
MacKenzie Scott hian tunhnai lawk khan Bay Area a hlawkna um lo pawl pakhat 10,000 Degrees-ah dollar maktaduai 42 a thawh tawh bawk a, he pawl hi college zirlai harsa zawk te tanpui thintu an ni.
MacKenzie hian 2019-a Jeff Bezos nena an inthenna atangin Bezos-a din Amazon hlutna 4% vel a chhuahpui a, he inthenna atanga a sum chhuahpui te hi a tam zawk chu midangte tana hman vek a tum thu a lo puang tawh a, tun kum nga chhung hian pawl hrang hrang 2,000 chuang hnena a donation thawh zawng zawng chu dollar tluklehdingawn 19 a tling tawh a ni.