Sinner a chak awlsam

Thawhtanni khan ATP Finals khelh chhunzawm a ni a, champion lai Jannik Sinner chuan tha takin bul a tan a, set hloh lovin a khingpui Felix Auger-Aliassime a hneh. Thawhtannia inkhel dangah Taylor Fritz a chak ve bawk.
Champion lai, champion leh tura hun tha tak nei Jannik Sinner leh ATP Final-ah a vawi khatna atana inlan Auger-Aliassime te hi set khatnaah an inhnehtawk viau a, inkhel hmhnawm tak an lantir. Inkhel hmuhnawm takah break a neih chhawr tangkaiin Sinner a chungnung hram a, game nga hloh chungin set a la.
Harsa taka set hmasa a lak hnuin set hnihnaah Sinner a khel tha ta viau thung a, a khingpui lakah hian kawng engkimah a chungnung. A service a thain, a ball vuak a dik em em bawk. Set hnihnaah hian game khat chiah hlohin set la ta mai a, Set hnihnaah at ATP Finals
Jannik Sinner celebrates victory against Felix Auger-Aliassime Auger-Aliassime lakah hian 7-5, 6-1 in hnehna a chang zui ta a ni.
World No. 1 ni mek Jannik Sinner hian No. 1 ni chunga kum khar turin ATP Finals-ah hian champion leh ngei ngei a mamawh. Champion nawn leh pawh ni se a elpui lian ber Carlos Alcaraz-a’n final a lut emaw, group match-ah a chak vek emaw a nih chuan Sinner hian No. 1 nihna hloh zui tho dawn thung. World No. 1 nih leh theihna hun tha tak nei Alcaraz hian Jimmy Connors Group-a a khelh hmasak berah a khingpui Alex de Minaur a hneh tawh nghe nghe a ni. Kum kal mekah Jannik Sinner leh Carlos Alcaraz te an inel tawk viau a, Grand Slam pali awmah pahnihah an champion ve ve. Sinner hian kum 2025 chhungin trophy panga a la a, sum tamna Kings Slam-ah a champion nawn leh bawk.
Thawhtanni a inkhel dang; Jimmy Connors Group atanga inkhelah Taylor Fritz chuan a khingpui Lorenzo Musetti chu 6-3 6-4 in a hneh a, tha takin bul a tan ve bawk.