Aizawl-in ‘central blessing’ a dawn theihnan mitha dap ang – BJP president

Aizawl-in ‘central blessing’ a
dawn theihnan mitha dap ang
– BJP president
Aizawl khawpuiin ‘central blessing’ a dawn theihnan Aizawl Municipal Corporation inthlana BJP hminga ding tur mitha penchhuak turin an sawm a, chutiang mi chu an zawng dawn tih State president Dr K Beichhua chuan a sawi.
Thawhtannia an party office-a inkhawmah BJP Mizoram president Dr K Beichhua, MLA chuan, central lamah BJP-in hneh takin sawrkarna a siam mek a, tunhnaiah Bihar inthlanah BJP leh a thawhpuiten hneh taka hnehna an chan hnu phei chuan, mi tam takin BJP hian kum tam tak India ram an kaihruai dawn an ti hial tih sawiin, Pathian zarah hun rei tak sawrkarna an chan an ring tih a sawi.
AMC inthlan kan hmachhawnah Aizawl khawpui hmasawnna turin BJP chuan theihtawp a chhuah a ngai dawn, tiin, “Tun dinhmuna AMC kal danah chuan sum lama harsatna an nei a ni tih hriat theih khawpin hmasawnna hian a thlen tur ang a thleng chak lo hle. Aizawl khawpuiah ‘central blessing’ kan dawn theihnan AMC-a ding tur mitha, ram hmangaihtu, Aizawl khawpui hmasawnna duhtute ke rawn pen chhuak tur leh party mite pawh chutiang mitha zawng a, BJP candidate atana sawm turin kan inchah a ni,” a ti.
Central tha chakna ring a, AMC-ah hmasawnna an kalpui theihnan BJP an pawimawh hle tih a sawi bawk.