Russian beihna avangin Ukraine-a power petute buai

Russian beihna avangin Ukraine-a power petute buai
Ukraine-a mi mal energy provider lian ber chuan Russian-ten an grid an beihnaah a chhiat nasat avangin hun khirh tak an tawng mek tih an chief executive-in a sawi.
Ukraine-a hmun tam zawk hi khaw vawt mek zel karah rei tak tak power an nei lo thin a. Ukrainian maktaduai 5.6 lai hnena power petu, DTEK hotu, Maxim Timchenko chuan beihna a nasat em avangin ‘in siam thatna hun pawh kan nei thei lo’ tih a sawi.
President Volodymyr Zelensky-a chuan Thawhlehni khan Russia hian thlasik khaw vawt tak chu hmanraw hlauhawm ber a ni thei tih an hria niin a sawi.
“Zan tin mai Ukrainian nu leh paten in hnuai berah an fate kuah lumin kan air defence-in an lo dan theih beiseina nen an awm thin a ni,” tiin Dutch parliament-ah a sawi.
Russia-in a rûn champha kum lina a thlen dawn lai mekin Timchenko-a chuan Russia hian DTEK energy grid chu ‘drone, cruise leh ballistic missile hmangin’ an bei mawlh mawlh a, an company tan dawl zawh a harsa niin a sawi.
Russia-in an beih zawm zat avangin tun kara ni thum chhung chu a zawnin chhim lama Odesa khawpuia cheng mi sang tel chuan electricity an nei tawh lo.
“Khawsak a harsa khawp mai a; mahse, kan inpui tawn liam liam thin,” tiin power la nei hlauh zinga mi, Yana-i chuan a sawi a. Phone charge turin a thiante an inah a sawm thin tih a sawi.
Power awm lo hian intihlumna leh tui lakna a tibuai tel a, insuk leh inbual thlengin a buai phah tih Yana-i chuan a sawi.
Ukraine-ah hian electricity hi sem rual a ni a, ni khatah darkar rei lo te te an inneih chhawk thin.
Ukrainian tam tak chu power bank leh generator nen an inring a, khawpui lianah phei chuan generator ri chu air raid warning hriat theih loh khawpa ring a ni hial thin.
Ukraine-ah hian an energy hman 50% chuang hi an ram laili leh khawthlang lama nuclear power plant lian tak tak pathum atanga lak a ni a; mahse, inpekna a buai tel avangin a chatlak nasa hle.
DTEK hian power station panga enkawlin a tam zawk hi lungalhthei hmang a ni.
An grid chhiahte siam turin a thlakna tur, spare part leh hmuh chu thil harsa tak a ni tel a. A hma chuan an thil a chhiatin an ram chhungah a thlakna an hmu thei thin a, tunah erawh chuan Europe hmun dang atanga an lak luh a ngai tawh niin an sawi.
Kuminah ringawt DTEK hian thermal power plant leh lungalhthei hmanruate siam that nan $ maktaduai 166 an seng tawh.
DTEK hi an hmunpui ber chu indona nasatna, Donbas a ni a, power supply pawh a chhiat nasatna hmun a ni a. An engineer pariat an thi tawh bawk.