ENVIRONMENT HUMHALH NAN CHAWNPUI VENGIN HMALAK CHHUNZAWM ZEL

ENVIRONMENT HUMHALH NAN CHAWNPUI VENGIN HMALAK CHHUNZAWM ZEL:

Chawnpui Veng-in Environment chhe zel tur venna kawngah hmalak kan chhunzawm zel a, ni 20.12.2025 (Inrinni) zing dar 8:00 – 10:00 inkar chhung pawh hian Plastic Bottle chhia leh Sarang chhia KG-ah Rs.30/- in kan leikhawm leh a, 200 Kgs zet kan leikhawm hman a ni.

Faina kawngah Chawnpui Veng chuan nasa takin inzirtirna kan nei thin a, YMA information center atanga auvin, chhungtin te atangin a ruala khawlai phiahfai hun te kan nei tawh a, a hlawk thlak hle in kan hria. Tin, naupang zawkte khawlaia bawlhhlawh chhar fai te kan inzirtir pawh hian thangtharte rilruah a tha lam zawnga nghawng a neih chhoh kan beisei. Kan phak tawka Environment humhalhna kawnga kan hmalakna hi beitham viau mah sela, tlem tal chuan awmzia a neih ve ngei kan beisei. Vawiin a Plastic Bottle chhia leh Sarang chhia kan leikhawm hi tumhnih (2nd time) na a ni tawh a, zawngchhang thlak kan ti a, lei chhunzawm zel kan tum.

PLastic Bottle chhia leh Sarang chhia khawlaia kan paih mai mai thin hian nasa takin kan lui tui a ti bawlhhlawh a, lui nungcha tan a pawi em em bawk a ni. Tin, Leimin nasa tak a siam thei a, hei hian chhiatna namen lo a thlen thei a ni. Chuvangin, Chawnpui Br. YMA hnuaiah “Faina Beihpui Komiti” din a ni a, hemi kaltlang hian Vengchhung mi in phalte atangin sum tam tak kan dawng a, Plastic Bottle chhia leh Sarang chhia kan lei thei a ni.

Ni 20.12.2025 (Inrinni) a Chawnpui Kawn a Plastic Bottle ruak leh Sarang hluihlawn tawh leikhawmna hun hi Chawnpui Br. YMA Faina Beihpui Komiti President Pu Lalrammawia, Branch YMA President Tv. Lalhmangaiha bakah Local Council Chairman Pi H.Lalrinkimi te pawhin an tel pui a ni.