Ram hmasawnna leh mipui tan tha zawka kal tum dawn – Chief minister

On Jan 5, 2026 1 0

Ram hmasawnna leh mipui
tan tha zawka kal tum dawn
– Chief minister
Kum 2026-ah sawrkarin ram hmasawnna leh mipui rawng a bawlna tinrengah a hma aia tha zawka kal a tum dawn tih chief minister Lalduhoma chuan a sawi.
Chief minister-in kumthar thuchah a siamah, kumthar chuangkaite chuan an nunhluia thil tha lo kalsanin, nun thara bul tan theihna hun tha an nei tih hre thar turin a chah tih a sawi a. Sawrkar pawhin ram hmasawnna leh mipui rawng a bawlna tinrengah a hma aia tha zawka kal a tum tih sawiin, “Sawrkarin hmasawnna thar tam tak thlentir a tum dawn a ni,” a ti.
Kum a thar hian thal khaw ro hun a thleng ve nghal mai a, thalah kangmei a chhuak thin tih a sawi. Lui lama kal pawhin vanduaina tam tak an tawh thin avangin fimkhur lehzual turin mipui a chah tih a sawi a ni.
“Kum 2026 hi Zoram mipui tan kum tha leh malsawm kum a nih theihnan duhsakna ka hlan a ni,” Lalduhoma hian a ti.
Home minister K Sapdanga pawhin, Zo hnahthlak zawng zawng kumthar chibai a buk tih a sawi a. Hunpui vuakveta Mizoram mipuiin boruak ralmuang tak hnuaia hlim takin kan hman theihna atana thahnemngai taka tawngtai thin kohhran mipui, veng/ khua tina zankhuaa duty thin tlawmngai pawl leh, dan kengkawhtu Police leh Excise force thawhrimna vang a ni bakah mipuiin thu kan awih tlan vang a ni, tiin, mitin chungah lawmthu a sawi tih a sawi a ni.