Lir a nghin huna chet dan tur tichhin dawn

Lirnghing a thlen thulha chet lak zui dan tur chu January 13 & 15 khian Mizoram pumah a tak ang thei ber tura tih chhin a ni dawn a. Hemi inbuatsaihna atan Thawhlehni khan inbiak hmuh theihna hmanga sawiho a ni.
Mizoram State Disaster Management Authority leh Mizoram district 11-a Disaster Management Authority (DMA) member-ten mahni hmun atang theuhin an chhim a. National Disaster Management Authority hmunpui atangin senior consultant (ME-IRS) Brig. Ravinder Gurung (Rtd) chuan hriat tur pawimawh leh tih tur tul hrang hrang chu SDMA & DDMA hnenah a sawifiah a ni.
Mizoram SDMA leh Aizawl DDMA member-te chuan Disaster Management & Rehabilitation commissioner & secretary hoin an chhim a. District hrang hrang DMA member-te pawhin inbiak hmuh theihna hmangin an chhim bawk.
January 13-a table top excercise neih dan tur, presentation petu tur leh thil tul hrang hrang sawi nghal a ni a. Mock excercise ni tak January 15-a kalpui dan tur leh mipui an ralkhel lohna atana hmalak dan tur pawh sawiho a ni.