BJP office hawng, fimkhur taka kal turin sawm

BJP office hawng, fimkhur taka kal turin sawm
January ni 12 khan BJP-in 2026 atan an party office Mipui Run an hawng a, he huna thusawitu Dr K Beichhua, MLA chuan fimkhur taka kal turin party mipuite a sawm.
“Kan hma lam hun tur kan hriat loh avangin kan kawngte chhut ngun ang u. Naktukah eng nge thleng dawn? Kan kawng tur pawh kan hriat loh avangin, kum 2026-a BJP te kan kal dan turah pawh fimkhur taka kan kal a pawimawh hle a, Pathian lam eni, Pathian ring chungin kan kal zel ang a, a kaihhruaina hnuaiah lungrual takin kan kal zel dawn a ni,” a ti.
“Mizoram tana ke kan penna kawngah lungrual tak leh taima taka hma kan lak zel a pawimawh a, State hruaitu turte pawh kan inruat belh zel dawn a ni. Kuminah hian inthlan pawimawh tak AMC election kan hmachhawn leh dawn a, chumi atan chuan uluk taka kan inbuatsaih a, Aizawl Municipal Corporation tihchakna tur atan keini BJP Party hi kan pawimawh a ni tih kan hriat a, Mizoram khawpui Aizawlah AMC kaltlanga mipui rawngbawlna hna thawk tur leh Mizoram hmel lanna Aizawl Khawpui ah hmasawnna nasa zawk a lo thlen zel theih nan hma kan lak nasat a pawimawh hle a ni,” a ti.
“Mizoram Politics enin Mizoram mipui, retheihna lak atanga chhanchhuah nana kan thupui, Nation First, Party Second, Self Last kan tih anga kan ram tana hma kan lak zel chuan mi dangte entawn tur pawimawh tak kan ni thei a ni,” a ti bawk.