3rd round lut zingah Swiatek Osaka, Swiatek leh Keys
3rd round lut zingah Swiatek Osaka, Swiatek leh Keys
Australian Open champion hlui Naomi Osaka leh Melbourne Park-a title la hlawhchhuak ve lo Iga Swiatek bakah defending champion Madison Keys-te’n nimin khan second round an paltlang vek.
Grand Slam title pali hawn tling ve tawh 16th seed Osaka hian Romania player Sorana Cirstea laka 6-3, 4-6, 6-2 hnehna changin round three a lut a, Australian qualifier Maddison Inglis a hmachhawn leh ang.
Kum 2019 leh 2021 champion Osaka, who won the Australian Open in 2019 and 2021 laka tlawm Cirstea kha kum 35 mi ni tawhin, kumin kum tawp rual hian tennis inelna a chawlhsan ve tawh dawn a ni.
Pole second seed Swiatek chuan a career-a major title a la sualchhuah ve loh awmchhun Australian Open title lak a tum leh mekna kawngah Ningani vek khan Czech Republic star Marie Bouzkova laka 6-2 6-3 hnehna awlsam tak changin third round a lut ve leh ta phawt.
Kum 24-a upa Swiatek hian John Cain Arena-a a tumpui unseeded Bouzkova lakah harsatna lian a tawk lo a, third-round lamah 31st seed Anna Kalinskaya a tum leh ang.
Second round match dangah USA nula rothap Madison Keys chuan a title kawl lai humhim tura a kalkawngah 6-1, 7-5-in a chipui American Ashlyn Krueger a hneh a; set hmasa zawk la awlsam hle mah se set hnuhnung zawk a lak hram dan erawh a pui leh vak lo!
Kum 30 mi Keys hian ni hnih liamta mai khan first-round lamah pawh mit tlung lo zetin Ukrainian Grand Slam debutant Oleksandra Oliynykova a paltlang hram a, Krueger lakah pawh champion khelhin a khel leh chiah lo!
World number nine Keys chak rual hian American player dang sixth seed Jessica Pegula pawh a second round match-ah hnehtu niin, ani pawh hian a chipui McCartney Kessler a bitum a, minute 58 lek chhunga 6-0, 6-2 hnehna nuamsa changin, third round lamah Russian Oksana Selekhmeteva a tum leh ang.
Third round lut zingah United States player dang Amanda Anisimova pawh telin, Katerina Siniakova laka 6-1, 6-4 hnehna nen American fourth seed hian third round-ah a chipui bawk Peyton Stearns a hmachhawn leh dawn a ni.