Harry Styles-a’n Coldplay & Taylor Swift Wembley stadium record a khum

Rimawi khawvela Harry Styles rawn comeback thawm a na nghal khawp mai a, khawvela stadium hmingthang ber te zinga mi Wembley Stadium-a kum khat chhunga show nei ngun ber record a siam thei dawn ta.
Harry Styles hian a comeback world tour neih turah hian a tirah chuan Wembley Stadium-ah hian zan ruk show nei turin a inbuatsaih a, mahse, a tour ticket hralh a kal rem rem hle a, zan li atan a tihbelh a, chupawh an la kham khawp ngang lo a, zan hnih tihbelh lehin, zan 12 show a nei dawn ta a ni.
A Wembley Stadium show zawng zawng hi a neih zawh vek hunah chuan British band khawvel huapa pawh a band hriathlawh berte zinga mi Coldplay leh Taylor Swift te record khumin, kum khat chunga Wembley Stadium-a show nei zinga ber record a siam dawn ta a ni.
A hmaa record chi Chris Martin leh a thiante, Coldplay siam niin, kum khat chhungin Wembley-ah show vawi 10 an nei hman a, Taylor Swift pawhin record siamin soloist anga he stadium-a kum khat chhunga show nei ngun ber niin, vawi 8 a nei a. Heng record te hi Harry Styles hian a rawn khum ve ve a ni.