2026 Grammy-ah Bruno Mars-a’n record a siam ang em?

He thu i chhiar hi chuan 2026 Grammy an sem zo tawh hial mai thei, an rama Pathianni zan, keini tana tukin hian 2026 Grammy Awards an sem dawn a, Bruno Mars-a’n ROSE a zaipuina ‘APT.’ chu record of the year award dawngtu a nih hlauh chuan Bruno Mars hi Grammy history-ah he category-a award tum li dawng thei hmasa ber a ni ang. Mars hi tun tum Grammy semnaah, Crypto.com Arena, Los Angeles-ah hian a perform dawn nghe nghe a ni. ‘APT.’ hi record of the year, song of the year leh best pop duo/group performance-ah te nominate a ni.
Tunah hian Bruno Mars leh Paul Simon te chuan Grammy-ah record of the year hi tum thum ve ve dawng tawhin, a dawng ngun ber an ni dun mek a, Mars hian Mark Ronson a thawhpuina ‘Uptown Funk,’ Anderson .Paak nen Silk Sonic angin ‘Leave the Door Open’ bakah a solo ‘24K Magic’ avangin Grammy record of the year hi tum thum a lo dawng tawh a ni.
‘APT.’ hian best pop duo/group performance hi a dawng a nih chuan Mars hian Lady Gaga nih rualin, he category-a award dawng ngun ber a ni dawn bawk a, he category-ah hian Mark Ronson nena an thawhdunna ‘Uptown Funk’ leh Lady Gaga a thawhpuina ‘Die With a Smile’ avangin award tum hnih a lo dawng tawh a ni.