Galatasaray in Juventus an lehthal

Thawhlehni zan khan UEFA Champions League last 16 play-off khelh tan a ni a, Galatasaray chuan an mikhual Juventus an lehthal a, hnehna pawimawh tak an chang.
Galatasaray hian RAMS Park-a an mikhual Juventus lakah bul an tan tha a, goal thun hmasa zawkah an tang. Inkhel tan atanga minute 15-na lekah Juventus tlarhnung chet fuh tawk loh hremin Gabriel Sara chuan hmahruaina goal a thun. Hma takah goal an thun vangin lawm viau mah se an phur rei lo hle. Goal an thun atanga minute khat em pawh a liam hmain goal an chhuah leh nghal. Juventus in fuh takin an khingpuite an nawr a. An tauh hlauhawm tak chu si nghak Ugurcan Cakir chuan fuh takin dang bawk Teun Koopmeiners chuan hnaite atangin a pet goal a, minute 16-naah an si phurh a sut.
Inhnaihchilh taka goal hnih a luh hnuin inkhel a hmuhnawm zui viau a, goal thun tumin an innawr tawn nasa hle. Nasa taka an innawr tawn hnuin mikhual team Juvenus an chefuh hmasa a, minute 32-naah hmahruai letna goal an thun. Juventus hian fuh taka an khingpuite an nawr tlang hnuin an si phurh sutna goal thuntu Teun Sara chuan kawh zetin a pet goal a, hma an hruai letna goal a thun. Teun Sara goal thun hmang hian Juventus hian 2-1 a hmahruai let chungin chawlhlawk an hmang.
Chawlhlawk hnu lamah hnu lamah inkhel a hmuhnawm zui viau a, mualneitu Galatasaray an chetha lehzual a, goal thum ngawt an thun belh. Second half-ah Galatasaray in goal an thun hma hle a, second half tan atanga minute 49-na lekah Nao Lang chuan hnaite atanga pet goal in an si phurh a sut a, 2-2 a ni ta chiah. Goal hnih ve ve an thun hnuin mualneitu Galatasaray an khel tha chhunzawm a, goal an thun belh leh thuai. Gabriel Sara free-kick chhuih tha tak chu Davinson Sánchez chuan fuh zetin a tauh goal a, minute 60-naah hmahruaina an hruai letna goal a thun.
Si an phurh let hnui Juventus an vanduai chhunzawm a, minute 67-naah Juan Cabal hnawhchhuah a ni. Si phur zawk ni chunga tlem zawk an nih zui leh vangin Juventus tan chet a harsa zui a, goal hnih an chhuah belh ta hial bawk. Juventus tlarhnung an chet sual vangin Galatasaray in goal thun theihna hun tha an nei a, an goal hnihna thuntu Noa Lang chuan hnaite atangin a pet goal a, an hmahruaina a tizau.
Si hniha hma an hruai hnuin Galatasaray an inringtawk zui viau a, phur taka inlan an ni bawk a, goal khat an thun belh leh. Hun tawp dawn hnaih minute 86-naah Sancha Boey chuan minute 86-naah an goal ngana thunin an chakna a nemnghet. Boey goal thun hnu hian goal dang a luh belh tawh lova, Galatasaray chuan an mualah 5-2 ngawtin hnehna an chang a, last 16 an hnaih leh zual.
Si thum phur tawh Juventus hian February 25, nilaini zan khian Galatasaray hi Allianz Stadium-ah an mikhual ve dawn a. Last 16 lut thei turin an mualah hnehna lian an sualchhuah a ngai tawh dawn a, an mualah hian a tlem berah pawh 3-0 tala an chak ngei a ngai dawn a ni. An mualah chak tuma tan an khawh a hmuhnawm zui viau dawn a, inkhel en chakawm tak a ni.