Mimi Renthlei comeback music video

Hun engemaw chen a reh hnuah Mimi Renthlei a insang mar leh mek a, music video thar neih a tum a, single music video a buaipui mek.
A single music video tur hi a hla phuah a ni a, a title atan ‘Ka mawi ve em?’ tih a ni. Pop ballad lam a rawn hrut dawn a, tunah hian voice recording bik a ti zo tawh. Voice recording hi live vekin a record a ni.
‘Ka mawi ve em?;-ah hian Mimi Renthlei hian musician pawh a thawhpui tha hlawm khawp mai a. Mizo musician lar ber ber, Mike-a te, Sangkima te, Ephraim-a leh Peka te an thawhpui dawn a ni. Anni hian a hla thar tur hi live-in music arrangement an tihsak vek a ni. Hei pawh hi an record fel tawh. Mixing vel erawh an la khawih dawn a, an la zo lo deuh a. Hei pawh hian hun rei a mamawh tawh lo mai thei.
Mimi Renthlei hian a come back music video tur hi a tihchhuah hun tur a la sawi chiang thei lo. Tun February thla chhunga tihchhuah hman a tum rilru deuh a, mahse, hei pawh hi tumna mai chauh a la ni. February thlaa a tihchhuah hman loh chuan March thlaah hi chuan tihfel hman a tum.