Firfiak pawl zinga mi pahnih an kaphlum niin sawi

Pakistan-a inkhuar Jaishp-e-Mohammad (JeM) nena inzawm firfiak pawl zinga mi pahnih chu pathianni khan an kaphlum niin securirty force ten an sawi.
Jammu and Kashmir-a Kishtwar district hmun hla takah he inkahna hi a thleng a, security force te chuan beihpui an thlaknaah firfiakte an kaphlum a, anmahni mi leh sa thi an awm lo niin an sawi a ni.
He inbeihnaah hian firfiakte hnen atangain AK-47 rifle pahnih bakah ralthuam dang thahnem tak an man bawk nia sawiin, he lai bial hi firfiak ho tawmbuk tamna a nih avangin J&K police intelligence bureau leh army lam intelligence bureau te nen tanghoa beihpui thlak a nih thu an sawi bawk.
Sipaite sawi danin an inbeihna hmun hi firfiakte tawmbuk rem lo tak leh tlang chhengchhe hmun ve tak a nih avangin fimkhur a ngai hle a, Pakistan a inkhuar hel pawl JeM te thunun an nih miau avangin hmanrua pawh an nei tha ve hle nia sawi a nih bakah, beih an harsa hle niin an sawi. Firfiakte hian silai an hmehpuah hmasak avangin inkahna nasa zawk a thleng zui ta bawk a ni.