BAFTA Film Awards 2026-ah ‘One Battle After Another’ a langsar

BAFTA Film Awards 2026-ah ‘One Battle After Another’ a langsar
British hoin lemchan lama chawimawina an ngaihhlut, British ho Oscar an tih ve mai, British Academy of Film and Television Arts (BAFTA) Awards chu kumin atan an sem leh ta a, an ram kutchhuak bakah khawvel huap cinema lama a ber kaite chawimawina a ni a, kumin ian Southbank Centre, London-ah an sem a, Alan Cumming-a’n a host. Kumin BAFTAs-ah hian One Battle After Another a langsar ber a, award paruk a dawng a, chung zingah chuan award ngaihhlut Best Film a tel nghe nghe.
Acting category lamah Sean Penn, Wunmi Mosaki, Robert Aramayo leh Jessie Buckley ten award an dawng a. Hamnet film avanga best actress dawngtu Jessie chuan a award dawn lawmthu sawinaah, “Tlem te tala Judi Dench an ve theih dan te tur te hi ka suangtuah ve feih feih thin,” tiin a award dawn chu, “Hmeichhe sul lo sutu te pual a ni e, engtia tih tur nge tih min zirtirtu leh min la zirtir zel tu turte an ni,” a ti.
Kumin hian sap lal mo Kate Middleton pawh award semnaah a pasal Prince William nen an inlan a, Kate-i BAFTA semnaah hian a tel regular viau thin a, mahse, a taksa hrisel lohna avangin kum thum chhung award semnaah a inlan ta lo a, kuminah an nupain nalh takin an rawn inlan leh ta a ni.
One Battle After Another hi nomination-ah pawh a langsar ber niin, nomination 14 a nei a, Sinners-in nomination 13 neiin a dawt a, Hamnet leh Marty Supreme ten nomination 11 ve ve an nei bawk. Sinners hi mihang Ryan Coogler direct a ni a, BAFTA record siamin, mihang-in an direct film zinga BAFTA nomination-a lang tam thei ber a ni a, Chloe Zhao direct, historical drama ‘Hamnet’ pawhin record siamin, BAFTA nomination a hmeichhe direct film lang tam thei ber a ni bawk.
2026 BAFTA Awards Winners:
BEST FILM : One Battle After Another
DIRECTOR : Paul Thomas Anderson, One Battle After Another
LEADING ACTRESS : Jessie Buckley, Hamnet
LEADING ACTOR : Robert Aramayo, I Swear
SUPPORTING ACTRESS : Wunmi Mosaku, Sinners
SUPPORTING ACTOR : Sean Penn, One Battle After Another
OUTSTANDING BRITISH FILM : Hamnet
OUTSTANDING DEBUT BY A BRITISH WRITER, DIRECTOR OR PRODUCER : My Father’s Shadow — Akinola Davies Jr. (Director), Wale Davies (Writer)
ADAPTED SCREENPLAY : One Battle After Another — Paul Thomas Anderson
ORIGINAL SCREENPLAY : Sinners — Ryan Coogler
CHILDREN’S & FAMILY FILM : Boong — Lakshmipriya Devi, Ritesh Sidhwani
FILM NOT IN THE ENGLISH LANGUAGE : Sentimental Value — Joachim Trier, Maria Ekerhovd, Andrea Berentsen Ottmar
COSTUME DESIGN : Frankenstein, Kate Hawley
SPECIAL VISUAL EFFECTS : Avatar: Fire and Ash — Joe Letteri, Richard Baneham, Daniel Barrett, Eric Saindon
DOCUMENTARY : Mr. Nobody Against Putin — David Borenstein, Helle Faber, Radovan Síbrt, Alzbeta Karásková
ANIMATED FILM : Zootropolis 2 — Jared Bush, Byron Howard, Yvett Merino
CASTING : I Swear, Lauren Evans
CINEMATOGRAPHY : One Battle After Another, Michael Bauman
EDITING : One Battle After Another, Andy Jurgensen
MAKE UP & HAIR : Frankenstein — Jordan Samuel, Cliona Furey, Mike Hill, Megan Many
ORIGINAL SCORE : Sinners, Ludwig Goransson
PRODUCTION DESIGN : Frankenstein, Tamara Deverell and Shane Vieau
SOUND : F1 — Gareth John, Al Nelson, Gwendolyn Yates Whittle, Gary A. Rizzo, Juan Peralta
BRITISH SHORT ANIMATION : Two Black Boys in Paradise — Baz Sells, Dean Atta, Ben Jackson
BRITISH SHORT FILM : This Is Endometriosis — Georgie Wileman, Matt Houghton, Harriette Wright
EE RISING STAR AWARD (mipui vote hmanga thlan) : Robert Aramayo