Heroin zuartu man zel

Heroin zuartu man zel
February 25 zan khan Central YMA hnuaia ZADS Zone III leh Zone IX chuan Vanlalchhana, Hunthar Venga cheng nia insawi kut atangin heroin TicTac 3 an man a. Vanlalchhana hi a awmna zone bialtu ZADS Zone IX kutah hlan niin, Zone IX hian an area pawn thlenga bawhzui a ngaih takin tiin CADS leh Excise & Narcotics an pun lehchhawng a, hemi hnu hian ruihhlo engemawzat man belh a ni.
Ruihhlo an hmuhchhuah belh hi bawlhhlawh bawm chhunga heroin hawng 4 thuhruk bakah cooker chhungah TicTac 16 leh chhuar chhunga ipte-ah TicTac 2 an man leh a. He thil thlengah hian Vanlalchhana bakah a nupui Lalngaihpuii leh ruihhlo hralhna sum dawngtu Lalnunmawii, Hunthar Veng, Diltlang khaw mi nia insawi man tel an ni.