Project thehluh zinga 26% pawm

Mizoram sorkar hnuaia planning & programme implementation department-in sorkar laipuia project a thehluhah 26% chauh a la hlawhtling.
Planning changtu Lalduhoma, chief minister Lalduhoma’n Budget Session neih meka House a hrilh danin, 2024 hnua project thehluh tawhah sorkar laipuiin 26% a pawm a ni.
Serlui bialtu Lalrinsanga Ralte zawhna, ziak chhan chi chhangin chief minister hian 2024 hnua sorkar laipuia project thehluh zat leh hlawtlinna zat hi a sawi a ni.
House a hrilh danin, project thehluh zat h 649 a ni a, sorkar laipuiin a lo pawm (approve) tawh zat chu 170 a ni.
Project thehluh tam berna chu PMJVK a ni a, 289 thehluh niin, lo pawm tawh zat chu 10 a ni.
Sum hmuh tawh zat pawh a sawi a, Article 275(1)-ah cheng vaibelchhe 69.16, Support to TRI-ah cheng vaibelchhe 2.88, NESIDS (Roads)-ah cheng vaibelchhe 13.71, NEC-ah cheng vaibelchhe 17.07, PMJVK-ah cheng vaibelchhe 122.22 te sanction a ni tawh.
Project thehluh zat Pawm tawh zat
Article 275(1) 198 108
DAJGUA 26 18
Support to TRI 88 18
NESIDS (OTRI) 17 6
NESIDS (Roads) 5 4
NEC 26 6
PMJVK 289 10