India-in a chuang a awm chauhvin tuialhthei thawn chhuak dawn

India-in a chuang a awm chauhvin tuialhthei thawn chhuak dawn
India chuan a thenawm ramte atanga tuialhthei thawn tura dilna an dawn chu a zir chiang mek a, a chuangbâng a neih chauhvin a thawn dawn dawn tih foreign ministry chuan a sawi a, hei hi US-Israel leh Iran indona vangin Strait of Hormuz kaltlanga bungraw phurh luh buaia khawvel puma energy man a san mek laiin a ni.
Khawvela thlifimtu lian palina, India hian Bangladesh, Nepal, Bhutan, Sri Lanka leh Maldives-ah te tuialhthei a thawn thin a. Thlitfim loh man sang zel chu a tuar hle a; mahse, China ang lo takin thlitfim sa thawn chhuah khap tumin hma a la la lo thung.
India hian tual chhunga mamawh phuhruk nan thlitfim loh leh thlitfim sa dah a ngah niin oil ministry-a Joint Secretary Sujata Sharma-i chuan a sawi.
Sharma-i chuan, “Pakhatnaah chuan ram chhunga mamawh phuhruk a ngai a, a chuang a awm chuan thuneituten thutlukna an siam ang,” a ti.
Foreign ministry thupuangtu, Randhir Jaiswal-a chuan thuthar lakhawmtute a kawmnaah, “Hetiang ngennate hi kan dawng a, dilnate chu kan enfiah mek a, kan mamawh leh awm theihna tur ngaihtuah chungin kan enfiah mek a ni,” a ti bawk.
Shipping ministry Special Secretary Rajesh Kumar Sinha-a chuan Strait of Hormuz-ah Indian tuialhthei phur lawng pali, a vaiin thlitfim loh metric ton maktaduai 1.6 phur, liquefied petroleum gas (LPG) ton 320,000 phur ⁠tanker paruk leh lawng dang pakhat, liquefied natural gas ton 200,000 phur an tang mek tih a sawi bawk.
Indona avanga Strait of Hormuz-a a phurhna kawng dan a nih hnuah India hian kum sawm tam tak chhunga eirawngbawlna gas harsatna nasa ber a tawk mek bawk.
India hian thlitfim loh a lak luh 40% aia tam leh liquefied petroleum gas a lak luh 90% vel chu Middle East atanga a lak a ni.
Indian thlifimtute chuan Washington-in ni 30 chhung hrekna ngaihhnathiam a kalpui tan hnuah tuipuiah Russia tuialhthei barrel maktaduai tam tak an lei leh tawh.
Sorkar chuan emergency power hmangin thlifimtute chu LPG siam chhuak tam turin thu a pe a, LPG connection nei chhungkaw maktaduai 333 velin an tlakchham loh nan industry-a hralh a titlem bawk.
India hian kar hmasa khan consumer-te chu LPG cylinder-te chu chiai taka lei chiam chiam lo turin a ngen a, a theihna apiangah pipe natural gas lama inthlak turin a ti bawk.
Chawlhkar hnih kalta chhung khan pipe gas connection thar 1,20,000 a dah belh tawh tih Sharma-i chuan a sawi.