Harry ‘Kiss All the Time. Disco, Occasionally’ a la No.1

On Mar 24, 2026 0 0

Harry Styles album ‘KIss All the Time. Disco, Occasionally’ chu Billboard 200 (US albums) chart-ah a No.1 a, he chart-a kar hnih a No.1-na a ni a, hetihrual hian Johnny Blue Skies & the Dark Clouds leh P1Harmony te pawh top 10-ah an debut.
Harry Styles ‘Kiss’ album hi kar kalta khan chart No.1-ah a rawn debut a, Taylor Swift ‘The Life of a Showgirl’ hnua he chart No.1-a debut zinga a zawna kar khat aia rei No.1 ni leh thei hmasa ber a ni.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralhna atanga album tlukpui te belhkhawm thin a ni.
‘Kiss All the Time. Disco, Occasionally’ hi kar khat chhungin 99,000 an hralh leh a, chung zinga 74,000 chu streaming atanga album hralhna tlukpui (on-demand official stream maktaduai 75.10) niin, album tak tak hralh cu 24,500 a ni a, album-a hla a mala hralhna atangin 500 a tling thei bawk.
Chart No.1 hlui Morgan Wallen “I’m the Problem” chu 74,000 hralh lehin No.3 atangin No.2 a kai thar ve leh ta bawk.
Johnny Blue Skies & tha Dark Clouds ‘Mutiny After Midnight’ chu 59,000 hralhin No.3-ah a debut a, Johnny Blue Skies (Sturgill Simpson tih thin) tan chart top 10 a lang thei album pahnih a neihna niin 2016 khan ‘A Sailor’s Guide to Earth’ albumn chu No.3 bawk a lo kaipui tawh.
P1Harmony album ‘UNIQUE’ chu 58,000 hralhin No.4-ah a debut a, chart top 10-a lang thei album pahnih an neihna a ni a, he chart-a an group tawn san ber a la ni bawk. 2025 khan an album ‘EX’ chu No.9 a lo kaipui tawh a ni.
Chart No.1 lo ni tawh rualin P1Harmony hi dawtin, Bad Bunny ‘DeBi TiRAR MaS FOToS’ chu 57,000 hralh lehin No.4 atangin No.5-ah a tawlh a, Don Toliver “OCTANE’ chu 56,000 hralh lehin No.5 atangin No.6-ah a tawlh a, Olivia Dean ‘The Art of Loving’ chu 55,000 hralhin No.6 atangin No.7-ah a tawlh a, Bruno Mars ‘The Romantic’ chu 54,000 hralh lehin No.2 atangin No.8-ah a tawlh a, Tate McRae ‘So Close to What’ chu 43,000 hralh lehin No.20 atangin No.9 a kai thar leh ta a, KPop Demon Hunters soundtrack chu top 10 khartu niin, 38,000 hralh lehin No.11 atangin No.10 a kai thar ve leh ta bawk.