Scheduled bank-ah Apex Bank

Mizoram-in banking sector-ah bung thar kaiin, tunhnai khan Mizoram Cooperative Apex Bank Ltd. chuan ‘scheduled bank’ status a hmu thar.
Kumin April 15-a Gazette of India-a tarlan danin, Mizoram Cooperative Apex Bank Ltd. hi Second Schedule of Reserve Bank of India Act 1934 ah telh a ni dawn a ni.
MCAB hotute sawi danin, Apex Bank hi 1982 July 31 khan mi thahnemngaiten an din a ni a, hma sawn zelin scheduled bank dinhmun hial hmu thei a lo ni ta a ni.
Apex Bank thawktuten hlawhtlinna an chan theihna atana anhmahni dawrtu zawng zawng hnenah lawmthu an sawi a. Chief minister leh
Cooperation minister-te duhsaknaah lawmthu sawiin, RBI leh NABARD Aizawl Regional office-a thawktute leh Cooperation department thawktuten tha thlah loa an thawhpuina leh duhsaknaah lawmthu an sawi bawk.
Apex Bank thawktute chuan he hmasawnna bung thar hmang hian Mizo mipui tan banking service tha leh zau zawk pek theih an beisei tih an sawi a. Tun dinhmunah branch 35 leh ATM 45 a nei a, Mizoram khawpui leh thingtlang hmun hrang hrangah an inzarpharh a ni.