Airfield hmunhma tlawh

Chief minister Lalduhoma chuan Nilaini zing khan Tuirial Airfield hmunhma a tlawh a, Airfield hlui hmunhma hman tangkai dan tura ruahman a en.
Sawrkar chuan Tuirial Airfield hmunhma hlui leh a chhehvelah hian NCC Group Hqrs, Sports & Youth Services leh Tourism hmunhma bakah thlai thar dahkhawmna in liantham tak dah tumin ruahmanna a siam a. Hetianga a hmunhma hman tangkai chhoh a nih dawn avangin a panna kawng chungchang, a ram venhim chungchang leh thil tul dang en a ni. BSF-in an chhuahsan tur ram, Airfield khawchhung ami pawh a tlawh bawk.
Chief minister hi Horticulture minister C Lalsawivunga, Land Resources, Soil & Water Conservation minister Lalthansanga, Agriculture minister PC Vanlalruata, SYS & Tourism minister Lalnghinglova Hmar leh adviser to CM (Handholding) Dr KC Lalmalsawmzauva bakah official dangten an tawiawm.