Fate kaihhruai that hi ram tana nute tih theih hlu ber – Baryl Vanneihsangi

Fate kaihhruai that hi ram
tana nute tih theih hlu ber
– Baryl Vanneihsangi
Fate zirtira kaihhruai that chu khawtlang leh ram tana nute thil tih theih hlu ber a ni tih MLA Baryl Vanneihsangi chuan a sawi.
Mizoram Hmeichhe Insuihkhawm Pawl Sub-Hqrs Champhai Conference vawi 18-na chu Ningani khan Champhai Kahrawtah neih a ni a. Hmanpuitu MLA Baryl Vanneihsangi chuan, Mizoramah chuan rawngbawlna a pawimawh a, MHIP member-ten chhungkuaa rawngbawlna an ngaihpawimawh a tul, tiin, “Fate zirtira kaihhruai that hi khawtlang leh ram tana kan thil tih theih hlu ber a ni. Sualna hneh tur chuan misualte kan hmangaih hmasak a tul a, hmangaihna atangin tanpui duhna thinlung a chhuak thin. Kan rama zu leh ruihhlo ngawlveite ngaihvena hmangaih an ngai a ni,” a ti.
MHIP member nih chuan lawm niah Mizo kawr mawi tak tak kan inbel thin chu a hmuhnawm rual rualin, nitin nun, Mizo kawr inbel loh lai pawha MHIP member nihna nena inmil nun mawi leh hawihhawm tak vawng tlat turin a sawm tih a sawi a ni.