AMC enkawltuten hna insem fel Hmalakna leh hnathawh tur sawi

Aizawl Municipal Corporation term 4-na atana Executive Council thutkhawm hmasa ber chu mayor H Lalremtluanga kaihhruaiin Thawhlehni khan neih a ni a. Deputy mayor R Lalawmpuii leh executive council member – Christina Roluahpuii Sailo, Vanlalhruaia, Vanlalfaka, K Lalrodinga bakah Municipal commissioner Joseph H. Lalramsanga leh AMC-a officer dang an tel.Executive Council hian AMC hmasawnna atana hmalakna tur hrang hrang leh felfai taka chak zawka hmalak dan tur, khawpui chhung enkawl kawnga hna thawh dan tur sawihoin, ruahmanna an siam a ni.
Thutkhawmah hian Aizawl khawpui chhung changkanna leh hmasawnna ruhrel hmel thar hmuh zel theihnan Ward Committee din dan tur leh chak zawka kalpui a nih theihna tur sawihoin, AMC tha a chak lehzualna atan Local Council nena inthlawp tlata thawhho dan tur sawiho a ni bawk.
Joint Municipal commissioner Lalremruata Kullai chuan AMC dinhmun leh a hnathawh thin bakah AMC-in dan leh hrai a kenkawh hrang hrang presentation a pe a; AMC function hrang hranga hmasawnna tur leh mipui tana chhenfakawm zawka kalpui turin zirchian ngai lai lo zirchiang turin Study Team din rel a ni.
Hetihlai hian mayor, deputy mayor leh executive corporator-te hna chanpual tur chu Thawhlehni vek khan tihchhuah nghal a ni.
Mayor
H Lalremtluanga General Administration, Resgitration of Births & Death, Shop Licensing, Disaster Management, leh a changtu tarlan nghal loh department awmte a chang ang.
Deputy mayor
R Lalawmpuii Parking, Public Works
Executive corporators:
Christina
Roluahpuii Sailo Cash & Accounts (Finance), Water and its related matters, Hoarding & Advertisement
Vanlalhruaia Building Regulations, Site Development & Slope Modification, Urban & Town Planning, Vending
Vanlalfaka Property Tax, Lighting & Electricity, Collection of Fees, Rents, Service Charges, Property Maintenance
K Lalrodinga Solid Waste Management, Sanitation & Public Convenience, Slaughter House (including Vety)