Kum liamtaa Zo Inspiration sum chevel nuai 250 chuang

Mi harsa leh tanpui ngai puih kawnga chechhuak thin pawl – Zo Inspiration Foundation chuan May 23 khan kum 2026 atan annual general body meeting (AGM) an hmang.
Tangka kum liamta 2025- 2026 chhunga an sum chevel report, chartered accountant Jewel Lalthasangzeli Fanai buatsaih sawihoin an pawm a. Kum kal mek 2026- 2027 a hmachhawp hrang hrang an ngaihtuahho bawk.
Tangka kum liamta chhung khan he foundation kaltlang hian mi inphal thilpek Rs. 2,56,23,649 a lut chhuak a, chhungkaw 4000 chuangin hei hi an tangkai pui. Tunah hian damlo harsa enkawl lai engemawzat an nei mek a. Kum liamta khan an damlo buaipui zing ami 44-in chatuan ram an pan a ni.
Zo Inspiration Foundation hi kum 2020 Covid hrilen laia din a ni a, tunah hian Chanmari Ramhlun Road – IDBI Bank hnuaiah office neiin a mamawh tan pan theih reng an ni a, an helpline number 70056 28279 ah an biak theih bawk.