Assam tui lianah mi 10 thi tawh, mi nuai 3.62 tibuai mek
Assam-ah ruah a sur chhunzawm zel avangin tui a len belh zel a, luite chim chin pawh a sang zel a, mi nuai 3.62 chuang an buai mek.
Rescue team chuan mi chengte thiar chhuah hna an thawk a, lui tam tak hmun tam takah hlauhawm chin chhinchhiahna chung lamah a la luang.
Assam State Disaster Management Authority (ASDMA) chuan district 16-a khaw 794-a cheng mi 3,62,933-in tui lian an tuar mek tih a tar lang.
Sivasagar, Charaideo, Jorhat, Dibrugarh, Sonitpur, Biswanath, Golaghat, Dhemaji, Tinsukia, Nagaon, Karbi Anglong, Cachar, Udalguri, Chirang, Kamrup leh Kamrup (Metro) district-te chu a tuar na ber ber an ni.
Assam chuan chung lamah chuan tuiin chenna hmunte a chim a, kawngpuia inkalpawh a harsat bakah thlai chinna zau tak a chim a. Mi chengte chu a theih ang angin hmun himah sawn chhuah an ni a, hmun hniam deuhva chengte tan chuan lawngleng chu inkalpawhna hmanraw awm chhun a ni rih.
Lo hectare 19,100 dawn tuiin a la chim a, lo neitute tan ruah sur nasa chu an thlai thar nghawng thei a ni mek.
Jorhat-ah mi pali leh Karbi Anglong-ah mi pakhat thi awm belh lehin mi 10 thi an tling ta a. Charaideo leh Karbi Anglong-ah mi pakhat ve ve chin hriat loh an awm thar bawk.
Brahmaputra chu Chenimari (Khowang)-a Neamatighat, Burhidihing, Nanglamuraghat-a Disang leh Numaligarh-a Dhansiri (South)-ah hlauhawm chin chhinchhiahna chungah a la luang a. Dikhou River pawh Sivasagar-ah a chim san lai ber tawng ruah a sur leh chuan thil chhe zawk thleng thei a ni.
Chhanchhuah leh chhawmdawl hna thawh zel a ni a. ASDMA chuan relief camp leh relief distribution centre 101 siamin mi 9,606 an awm mek.
National Disaster Response Force (NDRF), State Disaster Response Force (SDRF), Army, Fire & Emergency Services, Civil Defence leh district thuneituten lawngleng 51 hmangin mi 6,710 an thiar chhuak tawh.
Tui lian hian kawngpui 29 a tichhia a, Jorhat district-ah tuikhuah 16 chimin a bul hnai khuate a tiderthawng mek.
Assam hmun thenkhatah ruah a la sur belh theih avangin thuneitute chuan chhun zan zawmin lui chim chinte an vil a, hmun derthawnga chengte chu inringa thuneitute thurawn zawm turin an ngen.