A vawi khat nan CJP thukhawm dawn

Cockroach Janta Party (CJP) chu Nilaini hian Chhatrapati Sambhaji Nagar-ah a vawi khat nan core comittee an thu dawn a, an pawl kal zel dan tur, huang an zauh dan tur leh vantlang tana harsatna awm mek tihziaawmna tura an beih dan tur te an sawiho ang.
CJP dintu, Abhijeet Dipke-a chuan ram chhung hmun hrang hranga an member-te chu thutkhawma tel turin a sawm a. “Kan kal zel dan tur sawihona tur a ni a. Kan inzar pharh zel dan tur, vantlang thatna tura kan beih zel dan tur leh kan pawl kal dan tur ruahmanna sawiho tur a ni,” tiin Thawhtanni khan a sawi.
CJP chu political party-a leh tum anga sawina erawh Dipke-a hian a pha a, mipuite movement an ni zel dawn tih a sawi a. “Politic huanga zuan luh tumna engmah a awm lo va, people’s movement nih zel hi kan duh a ni,” a ti.
“Tuna kan awm dan thlir mekin CJP hi political party-a leh a tulna ka hre lo,” a ti a, “Vote paih (delete) a nih hian mipuiin inthlan dan an rinna an hloh phah a, zingah mi an vote a, tlaiah mi dang thlan a ni a, MLA leh MP an thlang a, political party dangah an kalsan leh daih a, political party-te chu ED (Enforcement Directorate) leh CBI (Central Bureau of Investigation) puihnain an inthen a, political party din hi thil chin felna a ni lo,” a ti.
Surat-a Right to Information (RTI) activist-in an chhungkaw sum dinhmun zawh chian a tumna sawi tura tihna chu Dipke-a hian chhang, zirna atana loan a lakna, scholarship leh thiamna a neihte chu lehkha hmanga finfiah turin a kawl vek tih a sawi.
“Prime Minister Pu (Narendra) Modi-a hian ka thiamna puang tura min ti a nih pawhin zirna atana loan ka lakna leh scholarship lakna lehkha ka phawrh mai ang. Degree dik tak (original) ka nei a, prime minister-in degree a neih pawh hi a rintlak ngei ka beisei a. Vantlang hmaa a phawrh a nih chuan kei pawhin ka phawrh ve mai ang,” a ti.
CJP kaihhruai hian ni 36 chhung National Eligibility cum Entrance Test (NEET) zawhna put duh lohna lantur leh exam kalphung siam that phutin Delhi-a Jantar Mantar-ah lungawi lohna lantir a ni a. Union Education Minister Dharmendra Pradhan-a bâng tura na phut angin July 25 khan a bâng a ni.