FCRA CHUNGCHANGA KAN HRIAT TUR |HENKHAT

Retold by
ZD Lalvunga

Foreign atanga tanpuina (fund) lo kal, India mi ten kan dawn thin tamtak chu, thunun a nih theih nan India sawrkawr chuan Foreign Contribution Act tiin March 31, 1976-ah khan dan siamin a lo pass hnan tawh a. Chu chu FCRA, 2010 tia siamthain President-in September 26, 2010-ah a nemnghet leh a. He dan hi 2020-ah ennawn lehin, chu dan vek chu kumin 2026 Parliament nipui thutkhawm-ah thlak danglam leh tumin BJP sawrkar chuan hma a la chho leh ta a. Chu chu Kristiante tan a tha dawn lo hlea hriain, India rama Kristian te chuan nasa takin an dodal chho ta a ni.
  He tianga FCRA dodal a tul chhan leh, Kristian te tana ‘tha lo’ nia a lan dan hi kan hriat tlan theih nan, a hnuaia mi ang hian tawitein ka han ziak chhuak a ni.
  FCRA & Kristian te inkungkaih dan:
Mi thiam ten an chhut danin, India rama Kristian, FCRA-a in register te hi FCRA-a in register zawng zawng 12% chauh an tling nia sawi a ni a. Chutiang a nih lai chuan, foreign atanga fund lo kal erawh 55 – 60% zet chu Kristian te dawn nia ngaih a ni. He tiang a nih lai hian, FCRA Rules thar hi lo chhuak pawh ni se, Kristian ni ve lo FCRA-a in register 80% te tan chuan FCRA rules thar tur chu BJP sawrkar hian pass pawh ni se ‘a hnawk ve lo’-a sawi a ni.
Kristian ten FCRA an dodal chhan thenkhat:
FCRA dan thar BJP sawrkharin siam danglam a tum dan leh, chumiin Kristian te a nghawng dan tur chu a hnuaia mi ang hi a ni.
Specific Bank Account: Organization, FCRA-a inziak lutte chuan SBI main Branch Delhi-ah chauh FCRA account an nei thei tawh ang (A hma chuan, khawi bank-ah pawh account a neih theih).
Direct Funding: He specific account atang chauh hian foreign fund an thawn thei tawh ang (A hma chuan, khawi atang pawhin thawn theih a ni).
No cash withdrawal: Delhi FCRA account atang chuan cash withdraw theih a ni tawh lovang (A hma chuan, cash duh zat zat an withdraw thei).
No personal transfer: Delhi FCRA account atang chuan personal account-ah transfer theih a ni tawh lovang (A hma chuan, personal account-ah an transfer thei thin).
Corporate account only: Delhi FCRA account pawisa chu official corporate account-ah chauh transfer theih a ni ang.
Strict use of funds: Pawisa dawn (foreign fund) chu specific project, pawisa dawn chhanah chauh hman tawh tur a ni (A hma chuan, duh dan danin an hmang thei thin).
Lower admin limits: Administrative (office) thil atan fund dawn atangin 20% bak hman a rem tawh lovang (A hma chuan, 50% thleng an hmang thei thin).
  Kristian-te tan he dan thar tur a that lohna:
FCRA dan tharah hian Rules 14A hi inhnialna chawkchhuaktu leh kristiante rilru tithlaphangtu pakhat a ni. A chhante chu;
Financial year kum hnih chhungin foreign fund hi cheng nuai 10 bak hman a rem tawh lovang.
Hman dan kimchang chu Official Website-ah emaw social media platform eng berah emaw, blog-ah, etc chipchiar takin a hmangtu Office Bearer hming nen tarlan tur a ni.
He pawisa hi Proroselytization(mite sakhuaa inlehtir) nan hman loh tawp tur a ni.
Hei hi a tih hlawhchham emaw, rules a zawm lo a nih chuan a license cancel sak theih a ni.
License cancel a nih chuan a thil neih (asset) pawh chhuhsak theih a ni.
Tun hmaa foreign contribution-a innghat institution & organization thenkhat-in harsatna lian lutuk an hmachhawn tur dang awm leh chu asset lock-in an ti a. Foreign contribution atanga ram leh building hlu tak tak lo nei tawhte khan an asset te hum tumin thenkhat chuan FCRA an chhuahsan (an in register tawhna hnukdawkin) phah ang a. Mahse, license renew a ngaih hunah buaina an tawk dawn chauh a, chu chu asset-lock-in an tih chu niin, FCRA hian chu harsatna chu a thlen dawn chauh a ni…an ti bawk.
Tin, India constitution Article 25 hian sakhaw zalenna, practice theihna & propagate phalna min pe a. Sakhaw tamtak, a bikin Kristiante chuan chu mi remchanga hmang chuan; school, hospital, orphanage & social service institutions hrang hrang kaltlangin zalen (freedom) takin rawng an bawl a. Mahse, FCRA rules thar hian religious freedom hi nasa taka nghawngin religious oppression/intolerance a hrin chhuah belh dawn a ni…an ti bawk a ni.
  BCM chu hmun danga kan Kristian puite nena kan inkhaikhin chuan FCRA dan thar hian min nghawng nep deuh maithei. Mahse, kan Kristianpui sang tamtakte lungngaihna thentu dan hi a remchan ang anga kan hmachhawnpui a, Pathian hnenah pawh thahnemngai taka kan thlenpui a tul hle a ni.
Rev. Pu Zartea sawi ang hian, FCRA hi India Parliament Winter Session chuan siamthat na neih a tum leh a, Kristiante nekchepna lam a hawi ang tih hlauh thawnna a awm nge ni ang BCM Headquarters chuan thuchhuah siamin, BCM Rampum Unit tinah thupui 5 neiin ngenna a siam angin, Dt. 26/7/2026 khan, BCM Shalom Mission Vengthlangah pawh |awngtai rualna hun hi Chairman upa Dr. K. Rothangpuia kaihhruaina hnuaiah neih a ni.
Hetiang Foreign Contribution hi Mizoram chuan, thil tangkai Hospital Zirna School leh Hnuchham tanpuina hrang hranga hman a niin, India Sorkar chuan kan hmanna chipchiar tak, fiah taka thehluh leh langtlang taka hriat fai vek a duh a, a chhan nia lang chu, India chu secular Country a nih rualin Hindu Kulmuk te rorelna hnuaia awm a nih hi a chiang a, apawng ataka sakhaw dodalna tihlan aiah Amend/siamthat belh, a Foreign atanga tanpuina kan dawn thin hi, Sakhaw inleh tirna hmanruaah kan hman hlauvin leh, Christianity nuai bona remchanga hman tangkai theihna lam hawina a nih kan ring vek niin a lang bawk a ni. (Hetiang rintheih thil hi Next Issue ah beisei leh ang)