ILP-ah khirh

Rulchawm khawtlang pawl hrang hrang hruaitute chuan khawchhung himna atan leh dan bawhchhia an awm lohna atan inkaihhruaina an siam a. Hnamdang (Vai) ILP nei lo leh an ILP felfai loa an khuaa kal man an nih chuan an ILP tih fel hun atan kar khat chhung hun pek an ni anga, ILP nei lo leh ILP felfai lo chu an ILP felfai hma chuan Rs. 1000 dahkham tura tih an ni a, huntiam chhunga ILP felfai an neih hman chuan Rs. 1000 an la let leh thei dawn tih an sawi. Hnamdang leh ramdang mi tupawh, bazar-ah an inzawrh leh lakkhawm (thirchhe zawn adt) phalsak an ni a, inah leh khawlaia kalkuala inzawrh leh lakkhawm phalsak an ni lo. Hnamdang leh ramdang mi tupawh khawchhunga thil zuar emaw lakhawm emaw an awm a nih chuan Rs. 500 chawi tura tih an ni.