MBSE buatsaihin Entrance pe
Mizorama a vawi hnihna atan Mizoram Board of School Education buatsaihin nimin khan UPSC Grooming Scheme Entrance Examination neih a ni a. MBSE hnuaia HSLC 2026 exam-a mark 414 (full mark 500-ah) hmu chin tan exam theih niin, naupang 121-in an hmachhawn. He exam hi UPSC exam hrang hranga Mizo thalai tam zawk tlin theihna atana Mizoram sawrkar hmalakna a ni a, mi 50 personal interview tura koh zinga a titha zual 10 thlanchhuah chuan he scheme atana Mizoram sawrkar thawhpui coaching centre hnuaiah higher secondary school an kal chhung zawngin coaching class an kal chhunzawm ang. Nikum-a he exam kaltlanga thlanchhuah zirlai 10 tan pawh coaching class hi kalpui a ni.