SIR final roll tarchhuah hun sawn

Mizoram puma neih mek Special Intensive Revision of Electoral Rolls 2026 final electoral roll tarchhuah ni tura ruat September 6 chu Pathianni a nih avangin chief electoral officer Mizoram chuan Election Commission of India hnenah sawn a dil a. He dilna hi ECI chuan pawmsakin September 7 – Thawhtanni ah final electoral roll hi tarchhuah a ni dawn.
Hetihlai hian SIR 2026 neih mekah Serchhip district-a Assembly constituency pathum – Serchhip, Tuikum leh Hrangturzoah hearing neih ngai zat case 8313 chu ERO/AERO ten ngawrh taka neihpuiin, Thawhtanni khan case hi chinfel zawh nia ngaih a ni.
Serchhip bialah discrepancy case 1906 awmin, no mapping case 412 leh new enrolment case 491; Tuikum bialah discrepancy case 1948 awmin, no mapping case 318 leh new enrolment case 422 a awm a; Hrangturzo bialah discrepancy case 2002 awmin, no mapping case 468 leh new enrolment case 346 a awm a ni.