Smart meter complaint-tu sang chuang an awm tawh

Smart meter an hman hnu ah an electric bill a san phah nia inhria Power & Electricity department hnena complaint thehlut mi sang chuang an awm tawh a, complaint lut hi department-in a tahtawla chinfel dan dap pui zelin, mi 800 chuang an chinfel sak tawh.
Sawrkar laipui ruahmana RDSS Scheme hnuaia electric smart meter vuah hna chu Aizawl khawpui atanga tan a ni a, engemawzat vuah tawh niin, vuah mek zel a ni. Smart meter vuah hnua an electric bill sang ta nia hria leh, hemi chungchanga complaint an thehluh chu department lamin a ngaihven zui tha tawk lo nia hria in lungawiloh an lantir tawh a. Hemi hnu hian P&E minister F Rodingliana chuan lungawilo aiawhte hi kawmin smart meter vuah a nih chhan leh vuah a nih hmaa a meter an endik hmasak dan, electric bill a san theih chhan hrang hrang leh khawl thil a nih avang leh a enkawltu mihring pawhin ti diklo thei an nih dan sawiin, smart meter erawh nakin zel atan electric hmangtute tana thil tha a nih dan a lo sawipui tawh a ni.
Minister sawi angin P&E department chuan September 7-10 inkar chhungin complaint duh tan hun an hawng a, hemi ang hian tun thlengin complaint 1052 a lut tawh a, heng zinga 833 chu chinfel a ni tawh.
September 7 khan mi 290-in complaint an thehlut a, heng zinga 228 chu chinfel nghal niin, 62 chu a hmuna enfiah chhunzawm tura tih a ni. September 8-ah complaint 378 a lut a, heng zinga 310 chu chinfel nghal niin, a hmuna enfiah tur 68 a awm. September 9 khan complaint 384 a lut a, 295 chu chinfel nghal niin, a hmuna enfiah tur 79 a awm a