China-in Covid-19 sample tichhuak ve ta

China-a research team-te chuan kum thum kaltaa market nena inzawmna nei Covid-19 lenga sample an lak te zirchianna chu an tichhuak ta.
Huanan seafood leh wildlife market chu coronavirus origin hriatfiah tumnaa thlurbing ber a ni a.
Tuna paper tihchhuah hi kum 2020 hnua he market atanga biological evidence peer-reviewed hmasa ber a ni bawk.
Virus leh market-a ransa tena inkungkaihna an nei anga lanna chuan hripui chhuahna chhui chianna lamah kawng thar a hawng thei dawn a ni.
Research neihnaah virus kai finfiah te swab test neihah wild animals genetic material hmuh a ni tih a talang bawk a.
Scientists thenkhatte chuan hei hi hripui leng chu a tirah ransa atanga mihringa inkaichhawn a nihna finfiahna tiin an sawi a.
|henkhatte erawh thung chuan fimkhur la ngai ti thungin chutih rual chuan mipui nawlpui hriat theiha kum thum hnua genetic content tihchhuah theih a ni chauh chu an sawisel thung a.
Theory dangah chuan virus chu Wuhan-a laboratory tanga putru tia sawi niin he theory hi a la dai lo hle bawk.
Chinese research team te chuan February thla khan an zirchianna tihchuahna an lo nei tawh bawk a, mahse, khatah khan market atanga sample an laka full genetic information an tichhuak ve lo thung.
Hei bakah hian international group of researchers te chuan market swab an kalpui atanga an thlir hmuh dan te tihchhuahna an lo nei tawh bawk a, chu erawh scientific data-sharing website-ah te tarlan a ni thung.
Tuna analysis tihchhuah thar ber erawh journal Nature a tihchhuah a nih hmain scientist hrang hrang tena an zirchian nawn niin sample an lak atangin thil pawimawh tak tak kimchang zawka tarlan a ni a, sample te chu dawr, surface, ransa dahna leh market chhunga khawl te atanga lak te an ni hlawm.
Chines research team tena paper an tihchhuahah khan an sample lakkhawmah wildlife te hralhna hmun thenkhatah chuan virus hmuhchhuah a nih thu an lo tarlang tawh bawk a. A bik takin ransa Covid-19 thehdarh thei ngeia ngaih raccoon dogs te chu heng hmunah te hian a nung chunga hralh an ni thin.
Chinese researchers te chuan an thil hmuhchhuah chu hripui chhuahna bul tia sawi thei turin finfiahna tha tawk an nei thei lo an ti thung a. “Heng environmental sample hmanga an thil hmuhchhuah chuan hripui lenna bul tia finfiahna a pe thei lo” tiin an sawi a.
Thil ni thei chu virus te chu market ah hripui kai tawhsa in pulutin ransa hralhna lamah ni lo, amah kaisa a nih avanga a kaidarh a ni thei an ti.
Prof David Robertson, University of Glasgow, virologist nia kum 2020 atangaSARS-CoV-2 genetic investigation bulthut hre tura bei tawhtu chuan, “Thil pawimawh ber chu tuna data kan neih te hmang hian midang ten awmze nei zawkin hna an thawk thei dawn a ni,” a ti a. “Thil chiang tak chu data te hmangin virus chu ransa ten an lo kai chiang tawh tih a ni,” tiin a sawi bawk a.
“Finfiahna kimchang neih a ngai a. Heng thil nihna dik tak te lakkhawm hian Covid-19 chu Wuhan market nena inthlunzawmna nei a ni tih a chiang a, helai hmun hi ransa atanga market a inkaichhawn thlenna ngei chu a ni tih a chiang a ni,” tiin a sawi.
Hetih lai hian US lamah chuan lab leak theory chuan pawmtu a ngah leh tial tial a. Mahse, Chinese sorkar thung chuan virus chu scinetific facility atanga chhuak nia rinna chu hnawl thungin mahse FBI te bakah US Department of Energy te chuan hripui chu lab atanga putru ni ngeiah an ngai ta thung.