Manchester City in 4-1 a Southampton an hneh tumin EPL record thar pahnih hmuh tur a awm a. Chung record chu Erling Haaland leh Kevin de Buryne te siam a ni.
City in Borussia Dortmund atanga an lak Erling Braut Haaland chuan EPL-ah vawi 27 khelin goal 30 zet a thun tawh a. EPL-ah goal 30 thun tling rang ber record thar a siam. Haaland hi EPL a season khat khelhnaa goal 30 thun tling thei pathumna a ni bawk a. EPL player zingah season khata goal 44 thun tling thei pathumna a ni bawk a. EPL player zingah season khata goal thun hnem ber record thar siam turin Haaland hian goal khat chiah a mamawh tawh.
Southampton laka City goal khatna kha Kevin de Bruyne siam atanga Haaland thun a ni a. De Bruyne hian EPL-ah assist vawi 100 a nei tling chiah a. EPL ah assist vawi 100 nei rang ber record thar a siam. Online poll-a EPL playermaker ropui ber thlanaah Kevin de Buryne hian vote a hmusang fal hle nghe nghe a, 71% zet a hmu mek.
Haaland leh De Bruyne EPL record thar
Get real time updates directly on you device, subscribe now.
Next Post