Phone bih nasat lutuk nghawng tan a hlauhawm!
Phone i bih nasa thin
em? Smartphone
kan hum feuh vek tawh a, WhatsApp kan ti, Facebook leh social media chi hrang hrang kan khawih a, YouTube-ah thil kan en a, film te pawh kan en, game te pawh kan khel. Kan awm khawm pawhin phone kan bih deuh ngur ngur zel tawh mai a nih hi. Mahse, hei hi nghawng (neck) tan a tha lo niin mithiam ten an sawi.
Tunlai a cyber ailment an tih mai chu nghawng na (pain in the neck) hi a ni a, chu chu ‘texter’s neck’ (smartphone a text thawn nasat vanga nghawng na tihna a ni thei ang) an ti. Hetiang nghawng na hi phone leh computer hmang nasa ten an nei nasa hle niin an sawi.
Dr Kishore Punjabi, Chiropractic therapist chuan, “Phone hmang nasa ten an phone kunin an bih ngur ngur a. Phone kan bih tak tak lai phei chuan ka lu leh nghawng hi hmalamah kan kun deuh a, chu chuan kan nghawng vela blood circulation a ti tlem a, tennis elbow (kiu leh ban tihrawl leh tha-na a ni awm e) te pawh a siam thei a, hetiang case hi kan ngah sawt hle a ni,” a ti.
Texting hi a addict theih niin an sawi a, chutiang addict tawh laklawh te chuan a khat tawkin text thawn tur ni chuang lo pawhin an phone an hmet leh neuh neuh thin.
Phone hmangin engkim kan ti thei tawh emaw tih mai tur khawpin a thil tih theih a tam tawh a, thian kawm nan tak te pawh kan hmang ta, mahse, hei hian kan tihrawl leh tha lamah na a rawn thlen thei a ni.
Texter’s neck leh tennis elbow bakah hian kutzungpui tha na ‘texter’s thumb’ pawh a awm thei niin an sawi lehzel.