Council of Minister-in sawrkar hnathawkte hamthatna pawm

Council of Ministers chuan Mizoram sawrkar hnuaia thawkte hamthatna tur hrang hrang tihpuitlin tur a pawm a. Loneitute tana chanchin lawmawm lamah Mizorama buh thar chu kg ah Rs.55 a leisak a tum bawk.
Chief minister Lalduhoma kaihhruaiin Thawhlehni khan Council of Ministers an thukhawm a. An thu pawm zingah state sawrkar hnuaia thawkte dearness allowance (DA), zaa 46 atanga 50-a (4%) a tihsan sak tawh chu kumin, 2026 December atanga hman tan nise a ti a. Contract employee-te DA pawh December atang tho hian zaa 10 atangin zaa 20-a tihsana hman tan nise a ti bawk.
Mizoram chhunga buh thar leisakna tur dan ruahman chhin chu hman theiha bawhzui tha an ti a. He rawtnaah hian loneitute buh thar chu kg khat Rs. 55 zela leisak theih a ni anga, a duh chuan sawrkar hnenah an hralh thei dawn a ni.
Contract employee kum 10 chin thawk tawh leh provisional employee kum 14 regular-a thawk tawh chu dah ngheh tura pawm a ni a. Sawrkar puiha MBBS zir zo, sawrkar hnuaia kum khat tal thawk tura intiam sia an intiamna zawm lo chu cheng nuai 10 sawrkara chhunglet tura tihna intiamtir pawh tha tih niin, pawm a ni.
Police department hotuten ‘attendant’ an kawl theih pawh pakhata tihtlem leh an ni a. School provincialise thara thawktute sawrkara an luh nghalna dan siamthat tha tih niin, MIFCO privatise tuma hun hmasa lama lo kalpui tawh chu hnuhkir a ni a; Mizoramah kutdawh an awm lohna tura civil society-te nen thawhho dan siam tha tih a ni bawk.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More