Laldenga Centre sakna tur enho

Laldenga Centre sakna tur enho
Aizawl Lammual hmuna Laldenga Cultural Centre sakna tur enfiahin chief minister Zoramthanga chuan Thawhtanni zing khan a kaihhnawih department hotute hruaiin a hmunah a tlawh.
April 1 khan Union Home minister Amit Shah chuan Laldenga Cultural Centre sakna tur lungphum hi a lo phum tawh a. Chief minister hian PWD, Planning & Programme Implementation Department, Home Department leh a kaihhnawih department dang hotute hruaiin a enpui a ni. He building hi Smart City project hnuaia sak tur niin, project senso tura ruahman hi cheng vaibelchhe 193 a ni.
Chief minister hian building sakna tur a enfiah bakah 2 Assam Rifles Bn commandant Col. Rajesh Kumar Nayak nen an inkawm a. Primary leh middle school insawnchhuahna tur pawh Zokhawsangah sak thuai turin ruahman a ni.