A fanu hming tattoo-a hmangin record siam

Sap pachal, Mark Owen Evans, kum 49, chuan a fanu ‘Lucy’ hming chu 2017 khan a hnungzangah tattoo 267 chhut kaitirin record a siam a, mahse, he record hi American Diedra Vigin, kum 27, chuan a ma hming tattoo 300 a taksa a chhut kai tirin a rawn khum a, Diedra record hi Mark hian a rawn khum leh taa ni.
Mark hian tun tum chu a malpuiah a fanu hming ‘Lucy’ tih chu 400 a chhut kai tir leh a, tihian a hnungzanga ‘Lucy’ tih hming tattoo 267 a lo neih tawh sa nen, a vaiin 667 a nei tling ta a, taksa a hming tattoo ngah ber record thar a siam leh ta a ni.
Mark malpuia ‘Lucy’ tih tattoo 400 chhukai tur hian darkar 5 zet an bei a, a rualinin tattoo artist pahnihin an buaipui a, Mark chuan, “A ruala tattooist pahnihin an han tivel chu a hmuhnawm danglam ve riau a, chu chuan an chhut laia a na pawh a tizaiawm zawk. Ka record siam hi ka kalna apiangah ka taksaah a bet ve zel a, a nuam danglam ve tlat,” a ti.