Sialhawk khuaa Lakhuihthei chingtute chuan a hralhna lamah sawrkarin a puih leh puih lohin awmzia a nei thui hle tih an sawi a. Kum kalta khan lakhuihthei hralhna lamah a hma anga sawrkar puihna an hmuh that loh avangin lakhuihthei quintal 4000 vel chu a tawihral niin an sawi.
Kan hriat angin, Covid-19 hripui avanga inkharkhip lai vel khan Dawnfawh chingtute a hralhna lamah an buai avangin sawrkarin hma a laksak a, Kg-ah Rs 50-in an hralh thei ta a.
Kha thil thlengah khan, mi tam tak chuan, ‘sawrkar hian vei tak tak se chuan, Mizorama kuthnathawktute tharchhuah dehralna tur lam hi chu harsa lo takin a ngaihtuah zung zung thei dawn tih a hriat reng alawm’ tiin an sawi a.
Eng pawh ni se, horticulture department hi chu kuthnathawktuten thlai an tharchhuah theihna tura hma latu mai a ni a, thlai tharchhuah dehralna tur lam ngaihtuah zui zel erawh an tihtura lum a ni chiah lo. Sawrkar hna inkhaidiat dan atang chuan, a dehralna tur lam ngaihtuah hi chu trade and commerce department lam emaw, sawrkarin marketing lam buaipui tura a ruat department hna chanpual tur a ni awm e.
Tun dinhmunah hian, thlai thar chhuak tam tura kuthnathawktute fuih thintu sawrkar hian kuthnathawktute thlai tharchhuah dehralna (marketing) lam buaipui tur hi eng ang takin nge a ruahman reng reng le? tih chu zawhna a ni ta a ni. Lakhuihthei quintal 4000 tawihralnaah hian sawrkar hian eng angin nge mawhphurhna a inpek dawn? A pawi hle mai, an ti liam leh mai dawn nge, kuthnathawktute zangnadawmna tur thil an ngaihtuah dawn em? tih pawh a zawh theih bawk ang. Tam tham tak tharchhuak phawt tura fuih thintu sawrkar hian, tam tham tak tharchhuaktute tharchhuah dehralna tur an ngaihtuahpui leh si lo a nih chuan, lakhuihthei chauh lo pawh, sum chang thlai/thei zozaite hi ‘tam tham tak’ han tharchhuak tak tak se, sawrkar hian chumi lo hmachhawn tur chuan eng ang ruahmanna nge a siam reng reng?
Tharchhuah chi li (4)-a minimum support price pek te hi thil lawmawm tak chu a ni ve phawt mai, mahse thlai dang ngaihthah thak khawpin he item 4 ringawt hi kan buaipui kumkhua mai ang tih te pawh a hlauhawm a nia.
A hralhna
Get real time updates directly on you device, subscribe now.