A kalsan mai loh nan che…

Tu emaw, mipa duh ruk deuh i nei a, engtin tin emaw in lo inhmelhriat a, in innel ve ta viau a. Chutiang hun tha i neih tawh hnuah chuan i chhuah leh mai mai phal tawh dawn em ni. Mahse, pawh beh reng erawh a har thin riau a, chutiang huna a kalsan leh mai mai loh nan che tihdan tha a awm niin relationship lama mithiam ten an sawi a, kan rawn tarlang e:
1. A tui zawng tuipui ve rawh. Mipa chu hip beh tlat i duh chuan tih dan tha ber pawl pakhat chu a tui zawng tuipui ve a, a nuam tih zawng te nuam tih pui ve hi a ni. A hobby zawng zawng tuipui ve chu thil harsa a ni a, mahse, chung zinga thil pahnih khat lek pawh chu i hmang tangkai thei tih hrereng ang che. Music ngaihthlak emaw, movie en emaw, chess khelh emaw, thil dang pawh tam tak a awm ang, chung zinga nuam i tih ve theih chi i thlan thiam phei chuan a awlsam lehzual ang.
2. I talent te entir rawh. Eng emaw thiam zawng tak i nei a nih chuan thup tum lem suh. Thiambik kan neih hian midang lak atangin mipa mitah chuan kan langsar nghal tih hriat tur. Inchhuang leh chapo ni silova kan thiam thilte pholan thiam hi a pawimawh khawp a nia.
3. Nuih tir fo rawh. Kan nuih dun bâwk bâwk theih chuan kan inkar inthlunna kan zawm nghet telh telh tihna a ni. I tih nuih fo theih chuan a kalsan mai mai lovang che tih hre mai rawh. Min tinui fo tute bula awm chu nuam kan ti a, kan thlahlel thin.
4. Tanpui thin rawh. Relationship lama mithiam ten survey an neihah an mamawh laia an tana awm thin hmeichhia te chu mipa ten an ngaina zual niin an sawi. Mahse, a nu i ni ta emaw tih tur khawpa thurawn pek sek lam a ni lo, ngaihthlak a tul huna dawhthei taka ngaithla thei, a harsatna te a sawipui theih, tih lam a kawk zawk a nia.
5. Duh ngawih ngawih angin awm suh. Duh lutuk leh ti deuh huam huam anga i lan chuan a fuh lo zawk dawn tlat. Engtik lai mai pawha a sawm chhuah theih, a sawmna zawng zawnga ‘yes’ nghal thei zel chu ni hauh suh. Chutiang chu mipain an ning thuai mai thing.
6. In uluk rawh. Inkawp rei deuh hnuah chuan kan inthlahdah a, kan nalh vak loh laia inhmuh te pawh a pawina awmin kan hre ta lo. Mahse, chutiang a ni lo, inuluk reng tur zawk a ni. Makeup hman chiam chiam lam a ni lo, mahse, ti lang fresh thei tur che thawmhnaw inbel ching ang che.